Ri tutti i cantuneri
ra strata mastra
accùrrinu ggenti e ggenti.
Cu ti ccà, cu ri ddà
aspèttanu lu sonu di la campana
e li noti di la fanfara
chi-pprestu s'arriccòglie
cu li furzuti purtantini e-ppurtantuni.
Rui sunnu li vari,
una è na varetta
cu-ll'ancilicchii ncapu
tra lu focudi li torci.
Pa vara ranni
ci vonnu centu purtanti pi-ttiralla avanti,
quattru culonni 'isanu a cupula
chi-ppruteggi lu Santu assicutatu
e nta num-palu attaccatu. | Russu è lu sangu
chi-nnesci pi li saitti di lu Santo
felice di li voti d'oro
di li genti divoti.
Don Ciccio sona a campanella
s'arràsano li-ggenti
e-nnesci a cursa
supra li spalli di li purtanti
a varetta
cu lu sonu di la fanfaretta.
Sona una vota a campanella
e li purtanti 'isanu li duci ligna,
sona ru voti a campanella
e-ssi nesci la vara di la Chiesa,
sona tri-vvoti a campanella
e-nnesci a cursa àuta e-ssicura
cu lu sonu di la fanfara
ntra li suspiri di la ggenti
chi-vvoli assicutari a Santa vara. |
